اسلام آباد (نیوز ڈیسک) پاکستان میں تعینات تیونس کے سفیر عادل العربی نے کہا ہے کہ ہم چاول امپورٹ کریں گے‘ پاکستان کو تیونس سے تیل درآمد کرنا چاہئے۔ تیونس اور پاکستان کے درمیان 1957ءسے سفارتی تعلقات قائم ہیں پاکستان نے 1958ءمیں اپنا سفارت خانہ تیونس میں قائم کیا۔ تیونس اور پاکستان کے درمیان مثالی تعلقات ہیں ایک انٹرویومیں سفیر کا مزید کہنا ہے کہ تیونس کے سول سوسائٹی کو اس سال امن کا عالمی انعام ملنا اعزاز کی بات ہے کامیاب انقلاب کے بعد سے تیونس میں جمہوریت اور جمہوری ادارے قائم ہیں نیا دستور بنایا گیا ہے 5 سال کے لئے نیا صدر بھی منتخب کیا گیا ہے اور نئی حکومت قائم کی گئی ہے ہمیں کچھ سیکیورٹی اور اقتصادی مسائل کا سامنا ہے مگر جلد ہی ان پر قابو پا لیں گے مجھے خوشی ہے کہ ان کے ملک کو متحرک سول سوسائٹی نے مضبوط بنایا ہے جس کا بین الاقوامی برادری نے بھی اعتراف کیا ہے۔ پاکستان سے تعلقات کو مزید مضبوط بنائیں گے۔
.