اسلام آباد(نیوزڈیسک)ملک میں تیل و گیس کی ذخائر کی تلاش میں سست روی کا رحجان دیکھا گیا، 2013 سے اب تک نیلام کیے گئے 50 کے قریب بلاکس میں سے کسی ایک پر بھی ڈرلنگ شروع نہ ہو سکی۔ماہرین کے مطابق 2013 سے اب تک تقریبا 50 تیل و گیس کے بلاکس نیلام ہو چکے ہیں تاہم کسی ایک میں بھی کھدائی شروع نہ ہو نے کی اطلاع ہے۔ذرائع کے مطابق تیل و گیس کی تلاش کے علاوہ اب تک کسی ایک بلاک میں سائسمک سروے بھی مکمل نہیں ہو سکا ہے، ماہرین نے خبردار کیا کہ عالمی منڈی میں خام تیل کی قیمت میں حالیہ کمی کے بعد ملک میں تیل و گیس کی تلاش میں مزید سست روی کا امکان ہے۔2013 ءسے ابھی تک تیل و گیس کی تلاش کا کام شروع نہ کرنے پر حکومت کی خاموشی معنی خیز ہے اس سلسلے میں کوئی کارروائی کیوں نہیں کی گئی یہ بات ابھی تک سوالیہ نشان ہے؟