اسلام آباد(نیوزڈیسک)برطانوی جریدے دی اکانومسٹ کی اشاعت پاکٹ ورلڈ 2016ءکے اعدادوشمار کے مطابق پاکستانیوں کا شمار بھی ان تارکین وطن میں ہوتا ہے جو اپنے وطن میں سرمایہ بھیجنے کے لحاظ سے سرفہرست سمجھے جاتے ہیں۔ 2013ءکے اعدادوشمار کے مطابق بیرون ممالک سے کما کر اپنے وطن سرمایہ بھیجنے والوں میں بالترتیب بھارت، چین، فلپائن، فرانس، میکسیکو، نائجیریا، مصر، جرمنی، پاکستان اور بنگلہ دیش کے شہری سرفہرست ہیں۔ سال 2013ءمیں جمع کئے گئے اعدادوشمار کے مطابق پاکستانی تارکین وطن نے کل 1462.6 کروڑ ڈالر بیرون ممالک سے کما کر اپنے وطن بھیجے۔ دیار غیر سے کما کر بھاری سرمایہ اپنے ممالک بھیجنے والے تارکین وطن کی فہرست میں پاکستان کا نمبر 9واں رہا۔