کراچی(نیوزڈیسک)پی آئی اے میں 42 جنرل منیجر ، ڈپٹی جنرل منیجر ،منیجراور اسسٹنٹ منیجر بھرتی کئے جا رہے ہیں جو ادارے کے باہر سے لئے جائیں گے ان اسامیوں پر بھرتی کے لئے ان دنوں امیدواروں کے انٹرویوز جاری ہیں انٹرویوز میں کامیاب ہونے والے امیدواروں کو دو سال کے لئے ان اسامیوں پر بھرتی کیا جائے گا .روزنامہ جنگ کے صحافی احسن چوہدری کی رپورٹ کے مطابق ایئرلائن ذرائع کے مطابق پی آئی اے میں مستقل طور پر کام کرنے والے ملازمین کو بھی پیشکش کی جا رہی ہے کہ وہ بھی مذکورہ اسامیوں پر اگلے یا اس سے بھی اگلے گروپ پر تقرری کےلئے انٹرویو دے سکتے ہیں تاہم یہ بات واضح نہیں کہ انہیں گروپ میں کنٹریکٹ پر رکھا جائے گا یا وہ ادارے میں اگلے گریڈ میں موو کرنے کے بعد بھی اپنی مستقل پوزیشن کو برقرار رکھ سکیں گے ایئرلائن نے مذکورہ اسامیوں کو رواں سال جولائی میں مشتہر کیا تھا ذرائع کے مطابق مذکورہ عہدوں پر ادارے میں پہلے ہی 250 کے قریب ایئرلائن افسران خدمات سرانجام دے رہے ہیں۔