کوئٹہ(نیوزڈیسک) جے ایس بینک کے ایک اعلامیہ کے مطابق مہوش اینڈ جہانگیرصدیقی فاﺅنڈیشن نے چیمالنگ بینی فشری ایجوکیشن پروگرام (سی بی ای پی)کے لئے 15ملین روپے کاعطیہ دیاہے ۔تفصیلات کے مطابق سی بی ای پی کے ڈائریکٹر علی رضاصدیقی اورجے ایس بینک کے ایگزیکٹووائس پریزیڈنٹ عمران حلیم نے اس سلسلے میں 15ملین روپے کاچیک کمانڈرسندرن کمانڈلیفٹینٹ جنرل نصیرخان جنجوعہ کوپیش کیا۔اس موقع پرحبیب اللہ کوسٹل پاﺅرکمپنی میجرجنرل (ر) طاہرحبیب اوردیگرسینئرافسرا ن بھی اس موقع پرموجود تھے ۔سی بی ای پی بلوچستان میںسماجی شعبے میں کام کرنے والے اداروں میں سے ایک ہے جوپاک فوج کے زیرانتظام ہے ۔اس پروگرام کو2007میں کوہلواورلورالائی میں 303طلباءکی انرولمنٹ کرکے شروع کیاگیاتھاجواب وسیع ہوصوبے کے 23اضلاع میں 3761طلباءکوتعلیم سمیت مختلف سہولیات فراہم کررہاہے۔یہ پروگرام صوبے کے پس ماندہ علاقوں میں معیاری تعلیم کی سہولتیں فراہم کررہاہے ۔اس پروگرام کی وجہ سے کئی طلباءاب ملک کے مختلف شعبوں میں نمایاں خدمات سرانجام دے رہے ہیں ۔اس موقع پرپروگرام کے ڈائریکٹرعلی رضاصدیقی نے شرکاءکو ایم کے جے ایف کے بارے میں بریفنگ دی اوربتایاکہ فاﺅنڈیشن ایسے علاقوں میں کام کررہی ہے جوکہ عام طورپرنظراندازہیں ان پرخصوصی توجہ دے رہی ہے ۔واضح رہے کہ مہوش اینڈ جہانگیرصدیقی فاﺅنڈیشن ایک نان پرافٹ آرگنائزیشن ہے جوکہ صحت کی سہولیات ،تعلیم اورسماجی انٹرپرائززکے ذریعے خواتین ،اقلیتوں ،بچوں اورمعذورافراد پرفوکس کئے ہوئے ہے جوکہ غیرترقی یافتہ علاقوں سے تعلق رکھتے ہیں ۔فاﺅنڈیشن کی منزل صرف اورصرف ان علاقوں میں معاشی ترقی اور معاشرے کے پسے ہوئے افراد کامعیارزندگی بلندکرناہے تاکہ ان علاقوں کے افراد بھی ملکی ترقی کی دوڑمیں شامل ہوکرمعاشی سرگرمیوں کاحصہ بنیں اوراپنی توانیاں ملک وقوم کے لئے صرف کریں ۔