اسلام آباد(نیوزڈیسک) وفاقی وزیرخزانہ سینیٹر اسحاق ڈار نے کہا ہے کہ حکومت ملک میں ٹیکس کا دائرہ کار بڑھانے کیلئے پرعزم ہے۔فرٹیلائزر کمپنی کے وفد سے گفتگو کرتے ہوئے ان کا کہنا تھا کہ زرعی شعبہ ملکی معیشت میں اہمیت کا حامل ہے اور معیشت کیلئے ریڑھ کی ہڈی کی حیثیت رکھتا ہے۔زرعی شعبہ کی ضروریات پوری کرنے اور زراعت کے فروغ میں فرٹیلائزر شعبے کا کردار قابل تعریف،ہم چاہتے ہیں کہ تمام شعبے اہداف کے حصول میں اپنا کردار ادا کریں۔اس موقع پر فرٹیلائزر کے وفد نے وزیرخزانہ اسحاق ڈار کو ودہولڈنگ ٹیکس کے مسئلے پر معاملات طے ہونے پر مبارکباد بھی پیش کی ہے۔