لاہور(نیوزڈیسک) پنجاب حکومت نے ریونیو اتھارٹی کے ذریعے ڈی جے بٹ کو ایک کروڑ 72 لاکھ اور 26 ہزار کا نوٹس بھیج دیا۔ نوٹس ریونیو اتھارٹی کی ایڈیشنل کمشنر عائشہ رانجھا نے بھیجا ہے جس میں ڈی جے بٹ کو کروڑوں روپے وصول کرنے کے بعد بھی صوبائی حکومت کو ایک روپیہ بھی ٹیکس ادا نہ کرنے پر نوٹس جاری کرتے ہوئے فوری ٹیکس کی رقم جمع کرانے کی ہدایت کی ہے۔ دوسری جانب ڈی جے بٹ کا کہنا ہے کہ ابھی نوٹس موصول نہیں ہوا۔ نوٹس موصول ہوا تو قانونی ٹیم کے ذریعے سامنا کریں گے۔ ڈی جے بٹ کا کہنا تھا کہ حکومت انتقامی کارروائی کرنا چاہتی ہے تو کر لے لیکن میرا نعرہ گو نواز گو ہی ہے