گلگت بلتستان(نیوزڈیسک)گلگت بلتستان کا مالی سال 16-2015کا بجٹ پیش کردیا گیا ہے جس کا کل حجم31ارب ،92کروڑ ،18لاکھ5ہزار روپے ہے۔ وزیراعلیٰ گلگت بلتستان حافظ حفیظ الرحمان نےقانون ساز اسمبلی کے اجلاس میں نئے مالی سال کا بجٹ پیش کیا۔غیرترقیاتی اخراجات کے لئے 21ارب 98کروڑ ،48لاکھ روپے مختص کئے گئے ہیں، بجٹ میں تعلیم کے لئے 23.5 فیصد ، صحت کے لئے 13.5فیصداور امن و امان کے لئے 19.2فیصدرقم مختص کی گئی ہے ۔بجٹ میں مجموعی طورپر2سوکلومیٹرپر مشتمل سڑکوں کی تعمیر کے منصوبے شامل ہیں۔تما م 7اضلاع میں پبلک آڈیٹوریم کی تعمیر اور تمام سب ڈویژنوں میں اسپورٹس کمپلیکس کی تعمیر کے منصوبے بھی بجٹ کا حصہ ہیں۔