اسلام آباد (نیوز ڈیسک ) وفاقی وزیر صنعت و پیداوار غلام مرتضیٰ جتوئی نے وفاقی دارالحکومت میں جی نائن کراچی کمپنی ، آبپارہ ، گولڑہ شریف کے مقام پر مختلف یوٹیلٹی سٹورز کا ہنگامی دورہ کیا اور یوٹیلٹی سٹور پر موجود سٹاک کی کوالٹی اورقیمتوں کا خصوصی جائزہ لیا اس کے علاوہ وفاقی وزیر نے صارفین سے ان کی رائے کے ساتھ یوٹیلٹی سٹورز کارپوریشن پر دوران خرید و فروخت درپیش مشکلات کے بارے میں بھی دریافت کیا۔ یوٹیلیٹی سٹورز پر خریداری کرنے والے صارفین نے سٹورز پر ملنے والی خورد و نوش اشیاءکی کوالٹی اور قیمتوں پر تسلی کا اظہار کرتے ہوئے کہا کہ عام بازار کی نسبت یوٹیلیٹی سٹورز پر ہمیں ضروریات زندگی کی اشیاء10 سے 15 فیصد کم باآسانی مل جاتی ہے اس لئے ہم یوٹیلٹی سٹورز پر خریداری کو زیادہ ترجیح دیتے ہیں صارفین نے مزید کہا کہ یوٹیلٹی سٹور کم تنخواہ دار طبقے کے لئے نعمت سے کم نہیں کیونکہ وہ باآسانی اپنی ضروریات زنگی کم قیمتوں پر خرید سکتا ہے اس موقع پر وفاقی وزیر صنعت و پیداوار علام مرتضیٰ جتوئی نے صارفین کے ساتھ گفتگو میں اس عزم کا اعادہ کرتے ہوئے بتایا کہ حکومت عوام الناس کو رمضان پیکج کے علاوہ عام دنوں میں ضروریات زندگی کی بہتر کوالٹی کم ریٹ پر دستیابی کو یقینی بنانے کے لئے مزید اقدامات کر رہی ہے۔