سنگا پور (نیوز ڈیسک)ایشیائی کرنسی مارکیٹ میں جمعہ کو یورو دباﺅ کا شکار رہا اور ڈالر کے مقابلے میں یورو کی شرح تبادلہ میں کمی کی صورتحال رہی۔ ٹوکیو تجارتی منڈی میں کاروباری سرگرمیوں کے دوران یورو کی شرح تبادلہ 1.1185ڈالر فی یورو اور 138.16ین فی یورو ریکارڈ کی گئی جو کہ گزشتہ روز کاروباری سرگرمیوں کے اختتام پر 1.1206ڈالر فی یورو اور 138.53ین فی یورو تھی جبکہ ین کے مقابلے میں ڈالر کی شرح تبادلہ میں بھی کمی ریکارڈ کی گئی اور ڈالر کی شرح تبادلہ گزشتہ روز کی شرح 123.62ین فی ڈالرسے کم ہو کر 123.52ین فی ڈالر ہوگئی ۔