کراچی(نیوز ڈیسک) ملک بھر میں مارکیٹنگ کمپنیوں نے ایل پی جی کی قیمت میں پانچ روپے فی کلو اضافہ کردیا، کراچی میں فی کلو قیمت پچا سی روپے، لاہور میں نوے روپے اور اسلام آباد میں سو روپے ہوگئی۔ گھریلو اور کمرشل سلنڈر بھی مہنگا ہوگیا۔ایل پی جی کی سرکاری کمپنیوں نے ملک بھر میں قیمتوں میں پانچ روپے فی کلو اضافہ کردیا، حالیہ اضافے کے بعد کراچی میں ایل پی جی کی نئی قیمت پچاسی روپیاورگھریلو سلنڈر نو سو ستر روپے کا ہوگیا، لاہور،گوجرانوالہ، گجرات، سیالکو ٹ اور فیصل آباد میں نوے روپے فی کلو اور سلنڈر ایک ہزار تیس روپے کا ہوگیا، اسلام اباد، راولپنڈی، مظفرآباد،ا یبٹ آباد ، باغ، میرپور خاص اور عمر کوٹ میں قیمت ایک سو پانچ روپے اور سلنڈر ایک ہزار دو سو دس روپے کا ہوگیا۔ مری، نتھیا گلی، فاٹا اور آزاد کشمیر میں فی کلو قیمت ایک سوپندرہ روپے اور گھریلو سلنڈر ایک ہزار تین سو تیس روپے کا ہوگیا۔