اسلام آباد(نیوزڈیسک)رواں مالی سال کے دوران جنوری 2015ءکے دوران برآمدات میں کمی ریکارڈکی گئی ۔ادارہ برائے شماریات پاکستان (پی بی ایس) کے اعداد و شمار کے مطابق دسمبر 2014ء کے مقابلہ میں گزشتہ ماہ جنوری 2015ءکے دوران ملک کی مجموعی برآمدات میں 10ارب روپے کی کمی واقع ہوئی ہے۔ پی بی ایس کی رپورٹ کے مطابق دسمبر 2014ءکے دوران مجموعی ملکی برآمدات کا حجم 217 ارب روپے ریکارڈ کیا گیا تھا جبکہ گزشتہ ماہ جنوری 2015ءکے دوران ملکی برآمدات کا مجموعی حجم کم ہو کر 207 ارب روپے تک پہنچ گیا۔ رواں مالی سال 2014-15ءمیں دسمبر کے مقابلہ میں جنوری کے دوران ملک کی مجموعی برآمدات کے حجم میں دس ارب روپے کی کمی ریکارڈ کی گئی ہے۔