کوئٹہ(نیوزڈیسک)نیو اسلام آباد ایئرپورٹ مکمل ہونے سے قبل ہی اس کا ریکارڈ توڑنے کی تیاریاں، پاکستان کے سب سے بڑے ایئرپورٹ کی تعمیر شروع کرنے کا اعلان،حکومت بلوچستان نے گوادر میں عالمی سطح کے ہوائی اڈے کی تعمیر کے لیے چار ہزار تین سو ایکڑاراضی مختص کردی ہے۔ حکومت چین کے اشتراک سے نئے سال کے آغاز پر گوادر انٹرنیشنل ائیرپورٹ کی تعمیر شروع کردی جائےگی منصوبے پر 247اعشاریہ22ارب روپے لاگت آئے گی تکمیل 30ماہ کی قلیل مدت میں ہوگی۔ذرائع کے مطابق گوادرانٹرنیشنل ائیرپورٹ کے رن وے کی لمبائی 12 ہزار فٹ ہوگی اس طرح یہ پاکستان کاسب سے بڑائیر پورٹ ہوگاجس میں سفر کی جدید ترین عالمی معیار کی سہولیات ہوں گی۔گوادر انٹرنیشنل ائیر پورٹ کی تعمیر سے پاکستان کے مجموعی تجارتی حجم میں اضافہ ہوگا جس سے نہ صرف جنوبی وسط اشیاءاور مڈل ایسٹ کے تجارتی تعلقات مستحکم ہوں گے بلکہ علاقائی ٹرانسپورٹ اور تجارت کیلئے بھی گوادر مرکزی حیثیت کا حامل پورٹ بن جائے گا۔بلوچستان حکومت کے ذرائع نے بتایا کہ گوادر کے عوام کیلئے اس شہر اور علاقے کی ترقی کے عمل میں بھر پور شرکت صنعتی اور تجارتی سرگرمیوں میں شرکت داری کے لیے اہم اقدامات وفیصلہ سازی کی جارہی ہے تاکہ بلوچستان خصوصاً گوادر کے عوام پر ترقی کے اثرات نمایاں ہوسکیں۔