اسلام آباد (این این آئی)پاکستان سپر لیگ 8 میں پشاور زلمی کے صدر اور سابق کپتان انضمام الحق کی جانب سے لاہور قلندرز کے بیٹر عبداللہ شفیق کو بیٹنگ ٹپس دی گئی ہیں۔انضمام الحق نے عبداللہ شفیق سے گفتگو میں کہا کہ آپ بہت با صلاحیت بیٹر ہیں، میں نے آپ کو ٹیسٹ کرکٹ میں کھیلتے دیکھا ہے، آپ کے پاس قدرتی طور پر اچھی کرکٹ شاٹس کھیلنے کی صلاحیت ہے۔سابق کپتان نے ٹپ دی کہ ٹینس بال کو گیلا کرکے بیٹنگ کی مشکل پریکٹس کریں، خطرناک بیٹرز وہی ہیں جو اسٹرائیک بدلتے رہتے ہیں۔انہوں نے عبداللہ کو بتایا کہ میں بھی بال گیلا کرکے بولرز کو کہتا تھا کہ اب مجھے آئوٹ کرو۔واضح رہے کہ عبداللہ شفیق پی ایس ایل 8 میں لاہور قلندرز کی نمائندگی کرتے ہیں، انہوں نے پشاور زلمی اور اسلام آباد یونائیٹڈ کے خلاف شاندار بیٹنگ کی اور بالترتیب 75 اور 45 رنز اسکور کیے۔