وزیرآباد(این این آئی)مسلم لیگ ن کے رہنما کیپٹن(ر)صفدر نے کہا ہے کہ ہمارے اعمال اچھے ہوں گے تو اچھے لوگ آئیں گے۔میڈیا سے گفتگو کرتے ہوئے انہوں نے کہا کہ ملک اس وقت الیکشن کا متحمل نہیں ہو سکتا،سیاستدانوں کو کام کرنے دیا جائے، انہیں معلوم ہے کہ کب الیکشن کروانا ہے۔انہوں نے کہا کہ کہتے ہیں آئین میں الیکشن کروانے میں 90دن کی پابندی ہے،الیکشن ضروری تھا تو استعفے کیوں دیئے،اسمبلیاں کیوں توڑیں؟ن لیگی رہنماء نے کہاکہ 2018کا الیکشن چوری نہ ہوتا تو آج نواز شریف وزیر اعظم ہوتے،ابھی الیکشن نہیں ہوں گے، ہمارے اعمال اچھے ہوں گے تو اچھے لوگ آئیں گے۔