اسلام آباد (نیوزڈیسک) اسلام آباد میں تحریک انصاف دھرنے کے دوران ایمپلی فائر ایکٹ، دفعہ 144 کی خلاف ورزی سے متعلق کیس میں عدم پیشی پر ڈی جے بٹ کے دوبارہ وارنٹ گرفتاری جاری کر دیے۔اسلام آباد کے علاقہ مجسٹریٹ وقاص رشید نے ڈی جے بٹ کیخلاف ایمپلی فائر ایکٹ اور دفعہ ایک سو چوالیس کی خلاف ورزی سے متعلق کیس کی سماعت کی ،یقین دہانی کے باوجود ملزم ڈی جے بٹ عدالت پیش نہ ہوا جس کے باعث آج شہادتیں قلمبند نہ ہو سکیں، ملزم اور تفتیشی افسرکی غیر حاضری پر عدالت نے برہمی کا اظہار کرتے ہوئے ڈی جے بٹ کے دوبارہ وارنٹ گرفتاری جاری کردیے اور اسے آئندہ سماعت پر گرفتار کر کے پیش کرنے کا حکم دے دیا جبکہ تفتیشی افسر کو غیر حاضری پر شوکاز نوٹس جاری کرتے ہوئے کیس کی سماعت 15 ستمبر تک ملتوی کر دی۔