کراچی(این این آئی)جسٹس ریٹائرڈ رشید اے رضوی نے کہاہے کہ 3اداروں سے بھی زیادہ ایک اور ادارہ ہے جو جب چاہے کسی پر بھی ہاتھ ڈال سکتا ہے۔تقریب سے خطاب کرتے ہوئے جسٹس (ر)رشید اے رضوی نے کہاکہ پیپلز پارٹی کی ملک کیلئے خدمات ہیں جس کا ایک تحفہ 73کا دستور ہے، ذوالفقار علی بھٹو نے ڈیڑھ سال کے اندر ملک کو مکمل آین دیا۔جسٹس (ر)رشید اے رضوی نے کہا کہ پیپلز پارٹی کا دوسرا تحفہ اٹھارہویں ترمیم ہے، تین اداروں سے بھی زیادہ ایک اور ادارہ ہے جو جب چاہے کسی پر بھی ہاتھ ڈال سکتا ہے۔انہوں نے کہا کہ پیپلز پارٹی کو آئین میں مزید ترمیم کرنی چاہیے، کابینہ سے متعلق آئین میں ترمیم کرنی چاہیے تاکہ کابینہ کم ہو۔رشید اے رضوی نے کہاکہ پیپلز پارٹی کو عدالتی نظام میں ترمیم کرنی چاہیے، ججز کے معاملے کو بھی پارلیمنٹ کو دیکھنا چاہیے۔