کراچی (مانیٹرنگ ڈیسک) ملتان سلطانز نے ٹاس جیت کر پہلے کراچی کنگز کو بیٹنگ کی دعوت دی، کراچی کنگز کی جانب سے میتھیو ویڈ 46، جیمز وینس 27، طیب طاہر 65 رنز بنا کر آؤٹ ہوئے جبکہ شعیب ملک 10 اور عماد وسیم 14 کے ساتھ ناٹ آؤٹ رہے، مقررہ بیس اوورز میں کراچی کنگز نے تین وکٹوں پر 167 رنز بنائے اور 168 کا ٹارگٹ دیا، ملتان سلطانز کی جانب سے احسان اللہ نے دو جبکہ انور علی نے ایک کھلاڑی کو آؤٹ کیا، ملتان سلطانز کی جانب سے شان مسعود نے 25 اور محمد رضوان نے 29 رنز بنائے باقی تمام کھلاڑی کوئی خاطر خواہ کارکردگی نہ دکھا سکے اور وقفے وقفے سے آؤٹ ہوتے رہے، ملتان سلطانز کی پوری ٹیم 16.3 اوورز میں 101 رنز بنا کر آؤٹ ہو گئی، اس طرح کراچی کنگز نے یہ میچ 66 رنز سے جیت لیا، کراچی کنگز کی جانب سے شعیب ملک اور تبریز شمسی نے تین تین جبکہ عماد وسیم اور عاکف جاوید نے دو دو کھلاڑیوں کو آؤٹ کیا۔