کراچی(آئی این پی)پاکستان اور عالمی مارکیٹ میں سونے کی قیمت میں بڑی کمی ہوگئی، فی تولہ ایک ہزار روپے اور فی اونس 8 ڈالر سستا ہوگیا۔صراف اینڈ جیولرز ایسوسی ایشن سے جاری اعداد و شمار کے مطابق پاکستان میں سونے کی فی تولہ قیمت ایک ہزار روپے کمی سے ایک لاکھ 84 ہزار 100 اور دس گرام سونا 858 روپے سستا ہوکر ایک لاکھ 66 ہزار 409 روپے کا ہوگیا۔عالمی مارکیٹ میں بھی فی اونس نرخ 8 ڈالر کمی کے بعد ایک ہزار 810 ڈالر پر گئے۔صراف ایسوسی ایشن کے مطابق ملک میں چاندی کی قیمت بھی 20 روپے فی تولہ کمی سے 2080 روپے اور دس گرام نرخ 17.15 روپے گر کر 1783.26 روپے پر آگئے۔انٹرنیشنل مارکیٹ میں چاندی 20.70 ڈالر فی اونس میں فروخت ہورہی ہے۔