لاہور ( این این آئی) پاکستان سپرلیگ (پی ایس ایل)سیزن 8کے پوائنٹس ٹیبل پر ملتان سلطانز کی ٹیم پہلی پوزیشن پر براجمان ہے جبکہ اسلام آباد یونائیٹڈ دوسرے اور لاہورقلندرز تیسرے نمبر پر موجود ہے۔پی ایس ایل 8کے ابتدائی 13میچز ایکشن سے بھرپور رہے، ملتان سلطانز نے ہوم گرائونڈ پر

شاندار پرفارمنس دکھاتے ہوئے 5 میچز میں سے 4میچز میں فتح اپنے نام کرکے پوائنٹس ٹیبل پر پہلی پوزیشن پر قبضہ جمالیا۔پوائنٹس ٹیبل پر اسلام آباد یونائیٹڈ کی دوسری پوزیشن ہے اور اب تک 4میچز کھیلے جن میں سے 3میں جیت اپنے نام کی۔اسی طرح 3 میں سے 2 میچز میں فتح اور بہتر رن ریٹ پر لاہور قلندرز کا پوائنٹس ٹیبل پر تیسرا نمبر ہے جبکہ پشاور زلمی 4 پوائنٹس کے ساتھ چوتھی پوزیشن پر براجمان ہے۔پچھلے سیزن کی طرح اس سیزن میں بھی کراچی کنگز اور کوئٹہ گلیڈی ایٹرز کی مایوس کن پرفارمنس جاری ہے، دونوں ٹیموں نے اب تک 5،5 میچ کھیلے اور صرف ایک ایک میچ ہی جیت سکیں۔اب ایونٹ میں سب سے زیادہ رنز بنانے والے بیٹر کی بات کی جائے تو ملتان سلطان کے محمد رضوان نے رنز کے انبار لگائے، انہوں نے ایک سنچری اور 3نصف سنچریوں کی بدولت 329 رنز بنائے۔سب سے زیادہ وکٹیں لینے والے بولرز میں بھی ملتان سلطانز کے بولر احسان اللہ نے دھوم مچائی اور 5 میچوں میں 12 وکٹیں اپنے نام کیں۔

موضوعات:ملتان سلطانز