نیویارک (نیوز ڈیسک) بھارتی ٹینس سٹار ثانیہ مرزا اور انکی سوئس جوڑی دار مارٹینا ہنگس اپنی عمدہ کارکردگی کی بدولت یو ایس اوپن ٹینس ٹورنامنٹ کے ویمنز ڈبلز کے فائنل میں پہنچ گئیں۔امریکہ میں رواں سال کے چوتھے اور آخری گرینڈ سلام ٹینس ٹورنامنٹ میں کھیلے گئے ویمنز ڈبلز کے پہلے سیمی فائنل راو¿نڈ میچ میں بھارتی ٹینس سٹار ثانیہ مرزا اور انکی سوئس جوڑی دار مارٹینا ہنگس نے عمدہ کھیل پیش کرتے ہوئے سیرا ایرانی اور فلاویہ پینی یٹا پر مشتمل اٹالین جوڑی کوشکست دی۔انہوں نے مخالف جوڑی کو سٹریٹ سیٹس میں 6-4 اور 6-1 سے ہرا کر میگا ایونٹ کے فائنل کے لئے کوالیفائی کرلیا۔

مزید پڑھئے: بنگلہ دیش کرکٹ بورڈ کو پھر پاکستان کی یاد ستانے لگی

ان کی اس کامیابی پر ان کے شوہر شعیب ملک نے خوشی کا اظہار کیا ہے اور کہا کہ وہ فائنل میں بھی کامیابی کے جھنڈے گاڑے گی