سرگودھا (مانیٹرنگ ڈیسک) پاکستان مسلم لیگ (ن) کی رہنما مریم نواز نے سرگودھا میں جلسے سے خطاب کرتے ہوئے کہا کہ اسٹیبلشمنٹ نے گند کا ٹوکرا پھینک دیا تو ججز نے اٹھا لیا، ان کا کہنا تھا کہ ہمارے کان پک گئے کہ سازش ہو گئی سازش ہو گئی، سازش گھڑی چور کے خلاف نہیں نواز شریف کے خلاف ہوئی، نواز شریف کے خلاف پانچ افراد کا ٹولہ شامل تھا، یہی پانچ کا ٹولہ پاکستان کی بدحالی کا ذمہ دار ہے، ان کا سرغنہ جنرل (ر) فیض حمید تھا، اس موقع پر مریم نواز نے ان پانچ افراد کی تصاویر چلوا دیں جن میں جنرل (ر) فیض حمید، جسٹس مظاہر نقوی، جسٹس اعجاز الاحسن، ثاقب نثار اور عظمت سعید کھوسہ شامل تھے۔