شہباز شریف کا بڑے فیصلوں کا اعلان
اسلام آباد(این این آئی)وفاقی کابینہ نے ملکی معاشی حالات کے پیش نظرکفایت شعاری اقدامات کی منظوری دیدی۔ذرائع کے مطابق وفاقی وزرا سرکاری گاڑیاں واپس کریں گے اور پیٹرول کم کریں گے، وفاقی وزرا اپنی تنخواہیں بھی نہیں لیں گے۔
ذرائع کے مطابق وزرا ء سرکاری دفاتر میں خزانے سے کوئی خرچ نہیں کریں گے، سرکاری دفاتر میں بجلی کا کم سے کم خرچ کرنیکا فیصلہ کیا گیا ہے، غیر ضروری غیر ملکی دوروں پر پابندی ہوگی۔ذرائع کے مطابق وزیراعظم آفس اور وزارتوں کے اخراجات بھی کم کرنیکا فیصلہ کیا گیا، وزارت خارجہ کو فارن مشن کے اسٹاف کوکم کرنیکی ہدایت بھی کی گئی ہے۔ذرائع نے بتایا کہ سرکاری افسران اور وفاقی کابینہ کے ممبران کے لیے بزنس کلاس سفر پر پابندی لگادی گئی،کابینہ ممبران اور سرکاری افسران فائیو اسٹار ہوٹل میں نہیں ٹھہریں گے، سرکاری تقریبات میں ڈنر اور لنچ میں ون ڈش کی پابندی ہوگی۔
