کراچی (مانیٹرنگ ڈیسک) پاکستان سپرلیگ ایڈیشن 8 کے نویں میچ میں پشاور زلمی نے ٹاس جیت کر کوئٹہ گلیڈی ایٹرز کو بیٹنگ کی دعوت دی، کوئٹہ گلیڈی ایٹرز کی جانب سے جیسن رائے 14، مارٹن گپٹل 12، سرفراز احمد38، محمد نواز 2 رنز بنا کر آؤٹ ہوئے جبکہ افتخار احمد 50 اور اسمتھ 25 رنز کے ساتھ ناٹ آؤٹ رہے، اس طرح کوئٹہ گلیڈی ایٹرز نے مقررہ بیس اوورز میں 4 وکٹوں کے نقصان پر 154 رنز بنائے اور پشاور زلمی کو جیتنے کے لئے 155 کا ٹارگٹ دیا۔پشاور زلمی کی جانب سے عثمان قادر نے 2، ارشد اقبال اور جیمز نیشم نے ایک ایک کھلاڑی کو آؤٹ کیا۔ جواب میں پشاور زلمی کی جانب سے محمد حارث 18، بابراعظم19، صائم ایوب صفر، ٹام کڈمور 9، رومن پاؤل 36، جیمز نیشم 37 رنز بنا کر آؤٹ ہوئے جبکہ ڈاسن شانکا 16 اور وہاب ریاض 10 رنز بنا کر ناٹ آؤٹ رہے، اس طرح پشاور زلمی نے 18.3 اوورز میں چھ وکٹوں کے نقصان پر ہدف پورا کر لیا، کوئٹہ گلیڈی ایٹرز کی جانب سے محمد حسنین نے 3 جبکہ نسیم شاہ، محمد نواز اور قیس احمد نے ایک ایک کھلاڑی کو آؤٹ کیا۔