اسلام آباد (نیوزڈیسک) پاک چین اقتصادی راہداری پر عملدرآمد اور مانیٹرنگ کیلئے 22 رکنی پارلیمانی کمیٹی تشکیل دے دی گئی ہے ۔
کمیٹی کے قیام کی منظوری قائم قام سپیکر مرتضی جاوید نے دی جس کا نوٹیفیکیشن جاری کردیا گیا ہے ۔ کمیٹی ن لیگ ، پیپلز پارٹی ، تحریک انصاف اور ایم کیو ایم سمیت تمام جماعتوں کے ارکان پر مشتمل ہوگی جو پاک چین اقتصادی راہدری پر عملدرآمد کیلئے تجاویز بھی دے گی ۔ کمیٹی میں عبدالقادر بلوچ ، رانا افضل ، اویس لغاری ، اعجاز جاکھرانی ، اسد عمر ، اسفند یار اور محممود خان اچکزئی ، غوث بخش مہر اور غازی جمال شامل ہیں ۔