اسلام آباد (این این آئی)تحریک انصاف کے اراکین سے پارلیمنٹ لاجز کی رہائشگاہیں خالی کرانے کے معاملے پر تحریک انصاف کے نادہندگان کی تفصیلات سامنے آ گئیں جس کے مطابق اراکین پر لاج کے کرائے، بجلی و سوئی گیس کی مد میں لاکھوں روپے واجب الادا ہیں۔

دستاویز کے مطابق سابق وفاقی وزیر فخر امام پارلیمنٹ لاجز کے 2 لاکھ 59 ہزار روپے کے نادہندہ نکلے، فخر امام کی طرف لاجز میں رہائش گاہ کے بجلی کے بل کی مد میں 49 ہزار سے زائد روپے واجب الادا ہیں۔ دستاویز کے مطابق فخر امام کے گھر کے کرائے کی مد میں 2 لاکھ 10 ہزار روپے کے نادہندہ ہیں۔ دستاویز کے مطابق علی زیدی پارلیمنٹ لاجز کے 1 لاکھ 51 ہزار روپے کے نادہندہ نکلے۔دستاویز کے مطابق صداقت عباسی کے ذمہ پارلیمنٹ لاجز کے ساڑھے 7 لاکھ روپے واجبات کی مد میں ہیں۔دستاویز کے مطابق کنول شوزب 5 لاکھ 98 ہزار، منورہ بی بی 16 لاکھ 12 ہزار کی نادہندہ نکلیں۔ دستاویزکے مطابق عاصمہ قدیر 4 لاکھ، عندلیب عباس 60 ہزار روپے کی نادہندہ ہیں، ابراہیم خان 60 ہزار، کرامت علی کھوکھر 85 ہزار اور امجد علی خان کے ذمہ 43 ہزار روپے واجب الادا ہیں۔ دستاویز کے مطابق حیدر علی خان 13 لاکھ 92 ہزار، علی خان جدون 56 ہزار، مجاہد علی 11 لاکھ 67 ہزار کے نادہندہ ہیں۔دستاویز کے مطابق شیر علی ارباب 3 لاکھ 61 ہزار، گل داد خان 2 لاکھ 96 ہزار کے نادہندہ ہیں۔دستاویز کے مطابق ساجد خان 1 لاکھ 92 ہزار، عامر محمود کیانی 2 لاکھ 69 ہزار کے نادہندہ نکلے، شوکت علی بھٹی 8 لاکھ 40 ہزار، ملک عمر اسلم 60 ہزار روپے کے نادہندہ نکلے۔