مظفر آباد (نیوزڈیسک) سابق صدر آصف زرداری کو ”پیر “ نے فی الحال پاکستان واپس آنے سے منع کر دیا۔ اخبار روزنامہ دنیا کے مطابق آصف علی زرداری کو ان کے ’’پیر ‘‘ پیراعجاز نے حساب کتاب کے بعد پاکستان واپس جانے سے منع کر دیا ہے۔ پیر اعجاز ان دنوں آصف زرداری کے ساتھ دوبئی میں مقیم ہیں۔ گزشتہ روز ہنگامی حالت میں بلائی گئی پیپلز پارٹی کی میٹنگ میں بھی پیر اعجاز موجود تھے۔ آصف زردار ی سے قبل بے نظیر بھٹو بھی چھڑی والے پیر کی مرید تھیں جبکہ آصف زرداری کی بہن فریال تالپور اور آزاد کشمیر کے صدر محمد یعقوب خان بھی ایک ہی پیر کے “مرید ” ہیں۔ پیر اعجاز کے مشورے کے بعد زرداری نئی اجازت تک پاکستان واپس نہیں آئینگے۔