اوٹاوا(نیوز ڈیسک) کنزرویٹو قائد سٹیفن ہارپر کاکہنا ہے کہ شامی پناہ گزینوںکی مدد کرنے سے انکار سکیورٹی خدشات کی بنا پر کیا۔ ہم جتنی مدد کرسکتے تھے وہ کررہے ہیںلیکن سکیورٹی خدشات کی بنا پر مزید مدد نہیںکرسکتے۔ میں یہ کہوں گاکہ ہر پناہ گزین کی سکریننگ ضروری ہے اسی وجہ سے ہمارے کچھ تحفظات ہیں، میں نے پہلے اس معاملے میں بات نہیں کی لیکن مجھ پر میرے حریفوںنے تنقید شروع کردی۔ وہ اس حقیقت سے آشنانہیں ہیںکہ سکیورٹی پہلی ترجیح ہے۔ ہم نے وعدہ کیا ہے کہ اگر دوبارہ منتخب ہوگئے تو مزید دس ہزار پناہ گزینوںکو اپنے ملک میں جگہ دیںگے اور ان کو سہولیات فراہم کریںگے لیکن ابھی ہم ایسا نہیںکرسکتے۔