کراچی (مانیٹرنگ ڈیسک، آئی این پی)سابق صدر پرویز مشرف کی میت دبئی سے پاکستان پہنچنے میں تاخیر کا امکان ہے۔سفارتی حکام کے مطابق سابق صدر جنرل (ر) پرویز مشرف کی میت کی پاکستان روانگی تاخیر کار شکار ہوسکتی ہے۔حکام نے کہا کہ میت پاکستان لانے
والا خصوصی طیارےکے سہ پہر کو پاکستان روانگی کا امکان ہےاس سے قبل پرویز مشرف کی میت المکتوم ائیرپورٹ سے آج صبح 11 بجے روانہ ہونا تھی۔دوسری جانب سابق صدر جنرل (ر) پرویز مشرف کی میت پاکستان بھیجنے کی تیاریاں مکمل کرلی گئیں۔سفارتی حکام کے مطابق دبئی قونصل خانے نے میت منتقل کرنے کیلئے این او سی جاری کردیا اور ان کا پاسپورٹ کینسل کردیا گیا ہے۔دوسری جانب سابق صدر جنرل(ر )پرویزمشرف کا نماز جنازہ پولو گرائونڈ ملیر کینٹ اورتدفین اولڈ آرمی قبرستان کراچی میں کی جائے گی،سابق صدر جنرل(ر)پرویز مشرف طویل علالت کے بعد5 فروری کو دبئی میں انتقال کرگئے تھے ،سابق صدرپرویز مشرف کے خاندانی ذرائع کے مطابق ان کی نماز جنازہ کل گل مہرملیر کینٹ پولو گرائونڈ میں ایک بج کر 45منٹ پر ادا کی جائے گی، جس کے بعد پرویزمشرف کی تدفین کراچی کے فوجی قبرستان میں کی جائے گی،ذرائع نے بتایا تھا کہ اولڈ فوجی قبرستان میں پرویز مشرف کی قبر تیار کرلی گئی ہے، اور قبرستان کے اطراف سیکیورٹی کے سخت انتظامات کئے گئے ہیں، رینجرز نے قبرستان کی سیکیورٹی انتظامات سنبھال لیے ہیں۔
