اسلام آباد (مانیٹرنگ، این این آئی)پمزہسپتال انتظامیہ نے پیشگی اطلاع اور میڈیکل بورڈ کی تشکیل کے بغیر سابق وزیر داخلہ شیخ رشید کا طبی معائنہ کرنے سے انکار کردیا۔ پولیس شیخ رشید کو لے کر پمز ہسپتال پہنچی جہاں ان کا طبی معائنہ کیا جانا تھا۔ہسپتال ذرائع نے کہا کہ شیخ رشید کے طبی معائنے کیلئے پیشگی اطلاع نہیں دی گئی تھی، بغیر اطلاع اور بورڈ کی تشکیل کے طبی معائنہ نہیں ہوسکتا۔پولیس کے مطابق شیخ رشید کا طبی معائنہ پیر کو پمز میں کروایا جائے گا۔جیل ذرائع کے مطابق جیل مینوئل کے مطابق شیخ رشید کا طبی معائنہ مکمل کیا گیا، ان کی طبیعت نارمل ہے اور وہ بلڈ پریشر کے مریض ہیں، ضروری ادویات کے ساتھ شیخ رشید کو ہائی سکیورٹی بیرک میں منتقل کر دیا گیا ہے۔

موضوعات:شیخ رشید