لاہور( این این آئی )تحریک انصاف نے وزیراعظم شہبازشریف کی جانب سے بلائی گئی اے پی سی میں شرکت کا عندیہ دیدیا۔نجی ٹی وی کے مطابق پی ٹی آئی نے پہلے وزیراعظم شہبازشریف کی جانب سے 7 فروری کو بلائی گئی آل پارٹیز کانفرنس میں شرکت سے کل انکار کیا تھا تاہم گزشتہ روز میں شرکت کا عندیہ دے دیا ہے۔ذرائع کا کہنا ہے کہ پی ٹی آئی کی جانب سے7 فروری کو اے پی سی میں شرکت متوقع ہے اور اس کانفرنس میں تحریک انصاف کی جانب سے اعظم سواتی اور شیخ رشید کو بھیجنے کی تجویز دی گئی ہے ۔دوسری جانب میڈیا سے گفتگو کرتے ہوئے تحریک انصاف کے مرکزی رہنما پرویز خٹک نے کہا کہ ہم اے پی سی میں شریک نہیں ہوگا تاہم ساتھ یہ بھی کہا کہ اے پی سی میں اگر دعوت دینی ہے تو لکھ کر دیں، یہ کوئی طریقہ نہیں کہ 11 بجے فون کرکے دعوت دی جائے۔