میلبرن ( این این آئی) سربیا کے ٹینس اسٹار نوواک جوکووچ آسٹریلین اوپن کا ٹائٹل جیت کر اپنے جذبات پر قابو نہ رکھ سکے۔نوواک جوکووچ نے آسٹریلین اوپن کا ٹائٹل10ویں مرتبہ اپنے نام کیا ہے۔میلبرن کے روڈ لیور ارینا میں سال کے پہلے گرینڈ سلیم ٹینس ٹورنامنٹ آسٹریلین اوپن کا

فائنل سربیا کے نوواک جوکووچ اور یونان کے اسٹیفنوس سٹسیپاس کے درمیان کھیلا گیا تھا۔جوکووچ شروع سے ہی حریف پر ہاوی رہے، پہلا سیٹ 3-6 سے اپنے نام کیا، دونوں کھلاڑیوں کے درمیان دوسرا سیٹ سنسنی خیز رہا تاہم جوکووچ نے ٹائی بریکر پر 6-7 سے کامیابی حاصل کی۔ٹائٹل جیتنے کے بعد نوواک جوکووچ اپنے جذبات پر قابو نہ رکھ سکے اور زارو قطار رو پڑے، جس کی ویڈیو سوشل میڈیا پر وائرل ہو رہی ہے۔ویڈیو میں دیکھا جا سکتا ہے کہ نوواک جوکووچ اپنے قریب کھڑے لوگوں سے گلے لگ کر رو رہے ہیں۔نوواک جوکووچ کو روتا دیکھا کر میدان میں موجود ان کے مداح بھی رو پڑے۔ واضح رہے کہ اس جیت کے ساتھ نوواک جوکووچ کی مجموعی گرینڈ سلیم ٹائٹل کی تعداد رافیل نڈال کے برابر یعنی 22 ہوگئی ہے۔