کراچی(این این آئی)انٹر بینک میں روپے کے مقابلے ڈالر231روپے سے تجاوز کر گیا جبکہ اوپن مارکیٹ میں ڈالر کی قدر بڑھ کر243روپے کی سطح پر جا پہنچی ۔فاریکس ایسوسی ایشن آف پاکستان کی رپورٹ کے مطابق بدھ کو انٹر بینک میں روپے کے مقابلے ڈالر1روپے مہنگا ہو گیا جس سے ڈالر کی قیمت فروخت 230.50روپے سے بڑھ کر231.50روپے پر جا پہنچی اسی طرح مقامی اوپن کرنسی مارکیٹ میں2.25روپے کے نمایاں اضافے سے ڈالر کی قیمت فروخت 240.75روپے سے بڑھ کر243روپے ہو گئی ۔فاریکس رپورٹ کے مطابق یورو کی قدر میں2روپے کا اضافہ ہوا جس سے یوروکی قیمت فروخت275روپے سے برھ کر277روپے ہو گئی جبکہ برطانوی پونڈ کی قیمت فروخت 313روپے پر بدستور برقرار رہی۔