اسلام آباد(این این آئی)وزیراعظم شہباز شریف نے ملک بھر میں تاریخی پاور بریک ڈائون کے بعد شہریوں کو در پیش مشکلات پر افسوس کا اظہار کیا ۔شہباز شریف نے ٹوئٹر پر گزشتہ روز ہونے والے بریک ڈائون کے بعد کی صورت حال پر عوام سے معذرت کی ہے۔انہوں نے اپنے ٹوئٹ میں لکھا کہ میں اپنی حکومت کی جانب سے گزشتہ روز بجلی کی بندش کی وجہ سے ہمارے شہریوں کو پہنچنے والی تکلیف پر معذرت خواہ ہوں۔وزیرِ اعظم شہباز شریف نے لکھا کہ میرے حکم پر اس بریک ڈائون کی وجوہات جاننے کے لیے انکوائری جاری ہے اور اس کے ذمے داروں کا تعین بھی کیا جائے گا۔