لاہو ر( این این آئی)سابق وزیراعلیٰ پنجاب چودھری پرویز الٰہی کے پرنسپل سیکرٹری محمد خان بھٹی کو عہدے سے ہٹا دیا گیا۔محمد خان بھٹی کا وزیراعلی آفس سے تبادلہ کر کے انکی خدمات واپس واپس پنجاب اسمبلی کے سپرد کردی گئی ہیں ۔اس ضمن میں محکمہ سروسز اینڈ جنرل ایڈمنسٹریشن ڈیپارٹمنٹ نے نوٹیفکیشن جاری کردیا ۔خیال رہے کہ گزشتہ سال جولائی میں گریڈ 22 کے افسر محمد خان بھٹی کو ڈیپوٹیشن پر اس وقت کے وزیر اعلی پنجاب پرویز الٰہی کا پرنسپل سیکرٹری تعینات کیا گیا تھا۔اتوار کے روز الیکشن کمیشن نے محسن نقوی کو نگران وزیراعلی مقرر کیا تھا اور انہوں نے رات کو ہی عہدے کا حلف اٹھایا تھا۔