لاہور (این این آئی) پاکستان تحریک انصاف کے چیئرمین و سابق وزیر اعظم عمران خان کی صدارت میں پارٹی رہنماؤں کا مشاورتی اجلاس ہوا جس میں نگران وزیر اعلی کی تقرری کے خلاف بھرپور احتجاج کرنے کا فیصلہ کیا گیا۔زمان پارک میں ہونے والے اجلاس میں تحریک انصاف کی جانب سے
فیصلہ کیا گیا کہ بروز منگل الیکشن کمیشن پنجاب کے دفتر کے باہر احتجاج اور نگران وزیر اعلی کے تقرر کو عدالت میں چیلنج کیا جائے گا، اس حوالے سے منگل ہی عدالت میں پٹیشن بھی دائر کی جائے گی۔ذرائع کے مطابق گورنر پنجاب کی طرف سے الیکشن کی تاریخ نہ دینے پر بھی اجلاس میں تشویش کا اظہار کیا گیا، اس دوران گفتگو کرتے ہوئے عمران خان نے کہا کہ گورنر اپنی آئینی ذمہ داری پوری نہیں کر رہے، محسن نقوی کی تعیناتی کو اعلی عدلیہ میں بھی چیلنج کیا جائے۔سابق وزیر اعظم نے مزید کہا کہ محسن رضا نقوی کی تعیناتی نے الیکشن کمیشن کی غیر جانبداری کا پول کھول دیا، پلی بارگینگ کرنے والے کو پنجاب کا نگران وزیر اعلی تعینات کیا گیا، الیکشن کمیشن کے خلاف احتجاج کیلئے منگل کو بڑی تعداد میں کارکنوں کو اکٹھا کیا جائے۔ وزیر اعظم عمران خان کی صدارت میں پارٹی رہنماؤں کا مشاورتی اجلاس ہوا جس میں نگران وزیر اعلی کی تقرری کے خلاف بھرپور احتجاج کرنے کا فیصلہ کیا گیا۔
