فیصل آباد (این این آئی)فیصل آباد میں کرکٹ میچ کے دوران دو ٹیموں میں ہونے والے جھگڑے میں بلے اور اینٹیں چل گئیں جس کے نتیجے میں 5 کھلاڑی زخمی ہو گئے۔فیصل آباد کے کلیم شہید پارک میں کرکٹ میچ کے دوران دو ٹیموں میں جھگڑا ہوا، تلخ کلامی کے بعد کھلاڑی آپس میں لڑ پڑے اور ایک دوسرے کو بلے اور اینٹوں سے مارنا شروع کر دیں۔دونوں ٹیموں کے کھلاڑیوں کے درمیان ہونے والے جھگڑے کے دوران سر پر چوٹ آنے سے 5 کھلاڑی زخمی ہو گئے۔یاد رہے کہ اس سے قبل عارف والا اور سرگودھا میں بھی کرکٹ میچ کے دوران جھگڑوں کے واقعات سامنے آ چکے ہیں۔