کراچی (این این آئی)رواں مالی سال کے پہلے 6ماہ میں ایک ارب ڈالرز کی لگژری گاڑیاں درآمد ہوئیں ،رواں مالی سال جولائی تا دسمبر ایک ارب 16کروڑ ڈالرز سے زائد کی گاڑیاں درآمد کیں گئیں جن میں لگژری کاریں، موٹرسائیکل، بسیں ٹرک اورہیوی وہیکلز شامل ہیں۔دستاویزکے مطابق 8 کروڑ 76 لاکھ ڈالر کے ایئرکرافٹ، بحری جہازاورکشتیاں اور 7 کروڑ 48 لاکھ ڈالرزکی لوڈر گاڑیاں درآمد کی گئی ہیں۔دستاویزمیں میں مزید بتایا گیا ہے کہ 3 کروڑ26 لاکھ ڈالرز کی کاریں درآمد کی گئیں۔صرف دسمبر2022 میں 52 لاکھ 32 ہزار ڈالرزکی کاریں درآمد کی گئیں جبکہ 6 لاکھ 15ہزار ڈالرز مالیت کی موٹرسائیکلیں درآمدکی گئی ہیں۔