لاہور(آئی این پی)لاہور کے علاقے ڈیفنس کے اسکول میں طالبہ پر ساتھی طالبات کے تشدد کی ایک اور ویڈیو سامنے آگئی۔ویڈیو میں لڑکیاں طالبہ کو معافی مانگنے کا کہتے سنائی دے رہی ہیں، ویڈیومیں متاثرہ طالبہ لڑکیوں سے بار بار بال چھوڑ نے کی اپیل کرتی ہے لیکن لڑکیاں متاثرہ طالبہ کو بالوں سے پکڑ کر نیچے گرا دیتی ہیں اور پھر اس پر تشدد شروع کردیتی ہیں۔خیال رہے کہ متاثرہ لڑکی کے والد کی مدعیت میں گزشتہ روز مقدمہ درج کیا گیا تھا جبکہ ایف آئی آر میں نامزد لڑکیوں نے کیس میں عبوری ضمانت کرالی ہے۔طالبہ پر تشدد کا واقعہ ایک روز قبل ڈی ایچ اے کے اسکول میں پیش آیا تھا۔تھانہ ڈیفنس میں درج ایف آئی آر میں مدعی عمران نے مقف اپنایا ہے کہ اس کی بیٹی کو کلاس فیلو جنت، اس کی بہن کائنات، عمائمہ اور نور رحمان نے تشدد کا نشانہ بنایا۔