سرگودھا(این این آئی)مسلم لیگ (ن )کے مرکزی رہنما پیر امین الحسنات نے پاکستان تحریک انصاف میں شمولیت اختیار کر لی۔پیر امین الحسنات نے شاہ محمود قریشی، فواد چوہدری اور عامر کیانی کے ہمراہ میڈیا سے گفتگو کرتے ہوئے پی ٹی آئی میں شمولیت کا اعلان کیا۔اس موقع پر شاہ محمود قریشی نے کہاکہ پیر امین الحسنات سے قدیم روحانی رشتہ ہے، ان کی تحریک انصاف میں شمولیت سے پی ٹی آئی سرگودھا میں مزید مضبوط ہو گی۔فواد چوہدری نے کہاکہ امین الحسنات اور ان کا خاندان سرگودھا، راولپنڈی ڈویژن، پوریملک اور اوورسیز پاکستانیوں میں اثر و رسوخ رکھتا ہے۔انہوںنے کہاکہ ن لیگ کے مرکزی رہنما پیر محمد امین الحسنات کی پی ٹی آئی میں شمولیت انتہائی اہم ہے، پیر امین السان کو خوش آمدید کہتے ہیں۔