اسلام آباد(این این آئی)وزیر مملکت برائے خزانہ عائشہ غوث پاشا نے کہا ہے کہ پروگرام میں جانے کے لیے آئی ایم ایف کی شرائط ماننا پڑیں تو مان لیں گے۔عائشہ غوث پاشا نے میڈیا سے گفتگو میں کہاکہ حکومت چاہتی ہے عام آدمی پر بوجھ نہ پڑے لیکن آئی ایم ایف ہمیں دوسری طرف لے جانا چاہتا ہے۔وزیر مملکت خزانہ نے کہاکہ چاہتے ہیں آئی ایم ایف پروگرام جلد بحال ہوجائے، آئی ایم ایف سے مذاکرات بھی چل رہے ہیں، ایکسچینج آف نوٹس ہورہے ہیں۔انہوں نے کہاکہ آئی ایم ایف کے بہت سارے تحفظات دور کئے ہیں، آئی ایم ایف کے معاملے پرکل اسٹیٹ بینک کے ساتھ اجلاس بھی ہوا، اب چاہتے ہیں یہ معاملہ تیزی سے آگے بڑھے۔