پشاور(مانیٹرنگ، این این آئی)ضلع خیبر کے جمرود تختہ بیگ چیک پوسٹ پر دہشت گردوں کے حملہ میں دوپولیس اہلکارشہید جبکہ ایک زخمی ہوگئے،پولیس نے جوابی کارروائی کرکے حملہ کوہلاک کردیا۔پولیس حکام کے مطابق ضلع خیبر کے جمرود تختہ بیگ چیک پوسٹ پر نامعلوم دہشت گردوں نے حملہ کیا،فائرنگ کی اورہینڈگرنیڈ کااستعمال بھی کیا،ڈی پی اوخیبرعمران خان کے مطابق دہشت گرد حملے میں دوپولیس اہلکار شہید جبکہ ایک زخمی ہوئے ہیں،زخمیو ں کوطبی امداد کے لئے ہسپتال منتقل کردیا گیا۔ زخمی پولیس اہلکار کی حالت تشویشناک ہے۔ پولیس کی بھاری نفری موقع پر پہنچ گئی ہے،دوسری جانب نجی ٹی وی کے مطابق دو پولیس اہلکاروں سمیت تین افراد شہید ہوئے ہیں۔

موضوعات:خود کش حملہ