اسلام آباد (این این آئی)ورلڈ بینک نے پاکستان میں عالمی بینک کے ممکنہ آپریشنز کی منظوری میں تاخیر کی خبروں کو بے بنیاد قرار دے دیا اس سلسلے میں پاکستان کے لیے کنٹری ڈائریکٹر ورلڈ بینک نے اپنے بیان میں کہاکہ پاکستان میں عالمی بینک کے ممکنہ آپریشنز کی منظوری میں تاخیر سے متعلق پریس رپورٹس بے بنیاد ہیں۔کنٹری ڈائریکٹر ورلڈ بینک نے واضح کیا کہ ہمارے تمام مجوزہ آپریشنز اور ان کی رقوم سے متعلق بورڈ کی منظوری کی تاریخیں واضح ہیں۔انہوں نے کہا کہ عالمی بینک مجوزہ منصوبوں کی تیاری کی بنیاد پر پروجیکٹ کی تجاویز کے تبادلے کے وقت کا فیصلہ کرتا ہے۔واضح رہے کہ گزشتہ روز خبر رساں ایجنسی نے پاکستان کیلئے 1.1 ارب ڈالر قرض کی منظوری موخر کرنے کی خبر دی تھی۔