اسلام آباد(آئی این پی) پی ٹی آئی کے 35اراکین کو ڈی نوٹیفائی کئے جانے کے بعد قومی اسمبلی کے ایوان میں دلچسپ تبدیلی دیکھنے میں آئی ہے۔
ایوان کا ایک حصہ خالی ہو گیا،ایوان اس وقت 342میں سے 296اراکین پر مشتمل ہے جن میں سے 81اراکین کے استعفے تاحال زیر التوا ہیں،11نشستیں خالی جن میں سے 7پر عمران خان کی جیت کا نوٹیفکیشن جاری نہیں ہو سکا، میانوالی کی عمران خان کی سیٹ سے انہیں نا اہل قرار دیا گیا،شکور شاد اور محمد میاں سومرو کی نشستیں بھی خالی، جہاں عدالتی حکم امتناعی کی وجہ سے الیکشن نہیں ہوا، پی ٹی آئی کے 3منتخب اراکین نے حلف ہی نہیں اٹھایا، عملی طور پر ایوان کے موجودہ اراکین کی تعداد 212ہے،حکومتی اراکین کی تعداد 181ہے، اپوزیشن میں مسلم لیگ (ق)کے 2، جی ڈی اے کے 3اور بلوچستان عوامی پارٹی کی زبیدہ جلال اور جماعت اسلامی کے عبدالاکبر چترالی شامل ہیں، آفیشل اعداد و شمار کے مطابق پی ٹی آئی کے منحرف اراکین کی تعداد 20ہے، 4ایم این اے ایسے جنہوں نے استعفی دیا اور نہ ہی ایوان میں حاضر ہو رہے ہیں۔
