لاہور( این این آئی)پاکستان تحریک انصاف کے مرکزی رہنما فواد چوہدری نے کہاہے کہ ہمارے پاس حکومت کیلئے مزید سرپرائز موجود ہیں۔اپنے بیان میں فواد چوہدری نے کہا کہ (ن)لیگ اور پیپلز پارٹی کے کئی لوگ تحریک انصاف میں آنے کیلئے رابطے میں ہیں۔سینئر رہنما سینیٹر شبلی فراز نے کہا ہے کہ حکومت نے قوم کو عذاب میں ڈالا ہے ہم انہیں عذاب میں مبتلا رکھیں گے،حکومت کیلئے مزید سرپرائز آتے رہیں گے۔زمان پارک کے باہر میڈیا سے بات کرتے ہوئے انہوں نے کہا کہ انتخابات کو طول دینے کی آئین میں کوئی گنجائش نہیں، اس معاملے پر ہم اپنے پاس موجود آئینی راستے کو استعمال کریں گے۔ انہوںنے کہاکہ مسلم لیگ (ن)اور پیپلز پارٹی کو آئندہ انتخابات میں امیدوار تک نہیں ملیں گے، ہم حکومت کو ہر محاذ پر بھگا رہے ہیں، یہ لوگ اپنے مفاد کیلئے آئین کو تروڑ مروڑ رہے ہیں۔

موضوعات:فواد چوہدری