پتوکی(این این آئی ) پتوکی میں مقامی پیزا شاپ پر کام کرنے والے ملازم نے ساتھی ملازمہ کو مبینہ زیادتی کا نشانہ بنا ڈالا ، ویڈیو بنا کر سوشل میڈیا پر وائرل کر دی۔تفصیلات کے مطابق ہلہ روذ پر رہائش پذیر خالد معراج کی بیٹی رمشہ خالد مقامی پیزا شاپ پر بطور ملازمہ کام کرتی تھی۔اسی پیزا شاپ پر کام کرنے والے ملازم نوازش نے رمشہ خالد سے زبردستی زیادتی کی اور بلیک میل کرنے کے لیے ویڈیو بھی بنا لی۔ملزم نوازش نے لڑکی کو بار بار زیادتی کا نشانہ بنایا۔گزشتہ روز ملزم نے لڑکی کو پھر بلوایا مگر لڑکی نے آنے سے انکار کر دیا ۔لڑکی کے انکار پر ملزم نوازش نے رمشہ خالد کی دوران زیادتی بنائی گئی ویڈیو سوشل میڈیا پر وائرل کر دی۔تھانہ سٹی پولس پتوکی نے زیادتی کا نشانہ بننے والی لڑکی کے والد خالد معراج کی تحریری درخواست پر ملزم نوازش کے خلاف مقدمہ درج کرکے اسکو گرفتار کر لیا ۔