اسلام آباد (این این آئی)احتساب عدالت اسلام آباد نے عبدالغنی مجید کے خلاف جعلی بنک اکائونٹس کا چودھواں ریفرنس واپس بھیج دیا ۔ احتساب عدالت اسلام آباد کے جج محمد بشیر نے ریفرنس واپس بھیجنے کا حکم نامہ جاری کیا۔ عدالتی فیصلے کے مطابق نیب قانون کے بعد جعلی بنک اکائونٹس کا ریفرنس احتساب عدالت میں ٹرائل نہیں ہوسکتا،نیب ترمیمی ایکٹ کے تحت 50 کروڑ روپے سے کم کے مقدمات پر احتساب عدالت کا دائرہ اختیار نہیں، ریفرنس میں عبدلغنی مجید کے علاوہ محمد شبیر، محمد حنیف، عابد اللہ شاہ اور دیگر ملزم نامزد کیے گئے تھے۔ احتساب عدالتیں اب تک 300 کرپشن ریفرنسز دائرہ اختیار ختم ہونے پر واپس کرچکی ہیں۔