اسلام آباد(این این آئی)پاکستان تحریک انصاف کے 35 ارکان کے استعفوں کی منظوری اور ان کی نشستیں خالی قرار دیے جانے کے بعد پاکستان ڈیموکریٹ موومنٹ کے سربراہ مولانا فضل الرحمان نے اعلان کیا ہے کہ پی ڈی ایم پی ٹی آئی کی 35خالی نشستوں پر ضمنی الیکشن نہیں لڑے گی ۔ نجی ٹی وی کے مطابق مولانا فضل الرحمان نے کہاکہ پی ٹی آئی کی 35خالی نشستوں پر ہونے والے ضمنی الیکشن میں پی ڈی ایم حصہ نہیں لے گی۔مولانا فضل الرحمان نے کہا کہ الیکشن نہ لڑنے کی وجوہات کا بھی جلد اعلان کیا جائے گا۔اس حوالے سے وزیر داخلہ رانا ثناء اللہ نے بھی کہا کہ دو تین ماہ کیلئے کون کون الیکشن لڑے گا؟ میرا خیال ہے کہ ہمیں ضمنی الیکشن نہیں لڑنا چاہیے۔