اسلام آباد (این این آئی)سستے خام تیل کی خریداری کے سلسلہ میں روس کا اعلی سطحی وفد اسلام آباد پہنچ گیا، پاک روس بین الحکومتی کمیشن کا 3 روزہ اجلاس (آج) سے اسلام آباد میں شروع ہو گا۔ذرائع کے مطابق بین الحکومتی کمیشن کے اجلاس میں پاکستانی وفد کی قیادت وفاقی وزیر اقتصادی امور ڈویژن ایاز صادق کریں گے، روسی وفد کی نمائندگی روسی وزیر توانائی کریں گے، وزیر مملکت پٹرولیم مصدق ملک بھی اجلاس میں شرکت کریں گے۔اجلاس میں روس سے سستے خام تیل، پٹرول، ڈیزل اور ایل این جی کی خریداری پر بات چیت ہو گی، روس کے ساتھ باہمی تجارت اور سرمایہ کاری کے فروغ پر بھی بات ہو گی۔اجلاس میں پٹرولیم ڈویژن، اقتصادی امور ڈویژن اور وزارت خارجہ سمیت مختلف وزارتوں کے حکام شریک ہوں گے۔