اسلام آباد (مانیٹرنگ ڈیسک)گوجرانوالہ میں چھوٹے بھائی نے بڑے بھائی کو موٹر سائیکل کی چابی مانگنےپر فائرنگ کر کے قتل کردیا ہے۔ گوجرانوالہ کے علاقے بھٹی بھنگو میں موٹرسائیکل کی چابی مانگنے پر 2 بھائیوں میں جھگڑا ہوا،ٹوئنٹی فور نیوز کے مطابق جس پر تعیش میں آکر چھوٹے بھائی نے گھر پر ہی بڑے بھائی کو فائرنگ کر کے قتل کر دیا ،پولیس کے مطابق لاش تحویل میں لیکر پوسٹ مارٹم کے لیے ہسپتال منتقل کر دی ہے، ملزم جائے وقوعہ سے فرار ہو چکا ہے جبکہ پولیس نے شواہد اکٹھے کر کے تفتیش شروع کر دی ہے۔ قتل کا افسوسناک واقع تھانہ صدر کے علاقے بھٹی بھنگو میں پیش آیا ہے، جہاں مقتول نے اپنے چھوٹے بھائی سے بازار جانے کیلئے موٹرسائیکل کی چابی مانگی تو دونوں کے درمیان جھگڑا ہوا گیا اور اسی دوران چھوٹے بھائی نے بڑے بھائی کو قتل کر دیا ۔